(1909) Per mió patria
¡Tará Dios qu'aquesti pueblu iberu
ha sofrir les tristures a montones...!
pos llácares, sofrencies, desazones
apárrenla a mió ver en trance fieru.
¡Qué más dá!, si el so dolor postreru
al llatir en milenta corazones,
fará trocar los homes en lleones
qu'ablucarán al moru porreteru.
Pos onde un fíu té, d'aquesta 'Sturies,
allí tará un Roldán tan animosu,
qu'al oyer rellatar tristes penuries
de so patria querida, con ñoble saña
morrerá gritando per valerosa:
¡Viva la mió Asturies! ¡Viva España!